Tàm nùs nhơm ki ngàm mờ ngoh rơngac, 11 nă kwang bàng lòt B mờ cau pròc mhàm tờm bơh 22 nă kwang bàng ndai dê neh dờp wơl ală sră nggal geh prap ơn kơ̆ ngan tàm rlau 50 nam. 

Tơnơ̆ dơ̆ jàu dờp sră nggal, càr Gia Lai mut lơh ràng tơlik “Brồ guh tiah ù Bazan”, ai gŏ wơl tŭ tơngai tam lơh mờ bơt bơtàu bơh ling klàng làng bol Gia Lai dê – bơh tơnơ̆ Jơnau kĭ hơ Geneve nam 1954 tus tŭ tơngai dà lơgar tơrgùm dùl mờ ală bơta tam gơl pràn kơldang tàm broă lơh bơtàu tơnguh tŭ do. Ràng tơlik geh tam pà gơs 2 bơnah là “Lòt gan nhŭ ồs tam lơh” mờ “Brồ guh tàm nggùl brê bơnơm dờng ơning ơnàng”, ai gŏ wơl git nđờ rhiang sră nggal, rùp hin kuơmàng bè tŭ tơngai 50 nam tơngklàs Gia Lai (17/3/1975) mờ 50 nam tơngklàs tiah đah jum, tơrgùm dùl dà lơgar (30/4/1975).