Bè Anih jơnau đơs Việt Nam neh yal, rơndăp broă lơh tiah nhơl lơh rài bồ tơngoh niam ngan Dà Làc geh Ủy ƀan Ñân zân càr Lâm Đồng pà sră dờp bơcri priă lơh tàm nam 2012, tàm sồ 23, gùng Quang Trung, sơnah ƀòn 9, ƀòn dờng Dà Làc. Mơya, tus lồi nam 2023, rơndăp broă lơh do geh lơh sir mơya ờ hềt ai lơh broă mờ gơnoar broă là dùl hìu năc 4 sơmañ, geh bơta ơnàng gơguh tus 50 cơdŭ ơm rlô.

Tŭ jơnau yal geh yal, Ủy ƀan Ñân zân  càr Lâm Đồng neh ai lơh jat sră nggal sồr ală sở, ngàñ geh gơrềng mờ Ủy ƀan Ñân zân ƀòn dờng Dà Làc lơh dơ̆ lòt sền, kờp sền broă lơh bơcri priă, lơh broă bơh rơndăp broă lơh dê nàng cribơyai gùng dà lơh glài. Jat mò Nguyễn Thị Bích Ngọc, Phó Kwang atbồ Sở Văn hoá Thể thao mờ Zu lịc càr Lâm Đồng, tus tơngai tŭ do, mpồl lơh broă neh sồr Ủy ƀan Ñân zân ƀòn dờng Dà Làc sồr anih lơh broă geh gơnoar ai wơl sră ai gơnoar lơh broă ơm kis ing gơwèt mờ rơndăp broă lơh do dê.