Tus bal dơ̆ tàm pơrlòng tàp pràn să jan nam do, geh mờr 1 rơbô 500 nă cau pơrlòng bơh ală hìu bơsram tàm 11 càr, ƀòn dờng, geh ƀòn dờng Hồ Chí Minh, ală càr: Bà Rịa-Vũng Tàu, Đồng Nai, Tây Ninh, Ninh Thuận, Bình Thuận, Bình Dương, Bình Phước, Lâm Đồng, Gia Lai, Kon Tum, Dăk Nông mờ càr tờm drơng lơh Dăk Lăk tus bal. Ală cau tus bal pơrlòng tàm pơrlòng tàm 11 môn pơrlòng, geh: coh plai, nhơl pơlai, droh gai, dŭi che, aerobic, ƀong rổ, plai tơrnò, re dà, ntoăt mờ plai kƀàng.
Dơ̆ tàm pơrlòng tàp pràn să jan geh bơyai lơh 5 nam dùl dơ̆, nàng kờñ gàr niam mờ lơh pràn dơ̆ hòi jà “jơh gùt làng bol tàp pràn să jan jat krơh niam Wa Hồ dờng màng dê”, sồr mờ pơndờm pơnđiang kơnòm bơsram pe kấp sùm pơlam tàp mờ tàm pơrlòng ală môn tàp pràn să jan tàm hìu bơsram, tơnguh uă bơta pràn să jan, dờng pràn să jan, pơgồp bơnah bơto bơtê tơl làm ai kơnòm bơsram; sền gŏ ală cau geh bơta chài tàp pràn să jan nàng tề lam, bơto bơtê ai tàp pràn să jan dà lơgar he dê.
Viết bình luận