Ngan là, càr neh wă 123 rơbô 500 nă năc tàm lơgar mờ rlau 1 rơbô 500 nă năc dunia, kờp jơh dơ̆ năc gơguh rlau 8% pơndrờm dùl tŭ bal mờ nam lài. Ală cơldŭ ơm ing kờp bal bơh ală anih ơm bĭc wơl lơh geh pơgap 75%. Tàm bàr pe hìu năc tàm tiah tờm ƀòn dờng Buôn Ma Thuột mờ ală homestay jat kềng gah dà dờng, dà croh, pràn apah cơldŭ geh rlau 90%. Kờp jơh priă lơh geh bơh năc lòt nhơl tàm càr Dăk Lăk di dơ̆ do là 62 tơmàn 500 tơlak đong.

Jat mò Nguyễn Thụy Phương Hiếu, Phó Kwang atbồ Sở Văn hoá, Thể thao mờ Zu lịc càr Dăk Lăk dê yal, càr geh uă bơta ƀuơn bơta pràn nàng bơtàu tơnguh ală bơta lòt nhơl bè ƀòn brê bơnơm, ơm rlô pràn, lòt nhơl sền gĭt, lòt nhơl mpồl bơtiàn, lòt nhơl pơgồp bal mờ lơh sa suơn sre. Tài bơh dơ̆ ơm rlô nam do di tàm tơngai kàl prang uă, trồ tiah ală ngai pa do duh trơ ồl ngan den tàng ală bơta lòt nhơl do là bơta sac rơ wah lài ngan bơh uă năc lòt  nhơl dê.

Dơ̆ ơm rlô chờ ngai 30/4 mờ ngai 01/5 nam do, ƀòn dờng Dà Làc, càr Lâm Đồng gơ hòi gơ jà geh rlau 170 rbô dơ̆ nac, gơguh mờr 42% pơndrờm dùl tŭ bal mờ nam lài. Bơh lòt sền, khà ơpah cơldŭ bơh ală hìu nac bơh 1 tus 5 sơmañ dê tàm ƀòn dờng tàm ală ngai chờ geh mờr 80%, ală anih ơm wơl ndai kung gàr tàm khà 75%.

Bal mờ broă lơh lơh niam wơl tiah drà, tơnguh bơta niam ală broă drơng ala lòt nhơl, dơ̆ ơm rlô chờ do tàm ƀòn dờng Dà Làc geh lơh uă broă lơh niam chài, lơh prài bồ tơngoh, gơ hòi gơ jà mờ drơng niam jơnau kờñ lòt sền, ơm rlô să bơh nac lòt nhơl tàm lơgar mờ lơgar ndai dê. Tàm khà 170 rbô dơ̆ nac lòt sền, ơm rlô să tàm ƀòn dờng Dà Làc tàm dơ̆ ơm rlô chờ do, geh 162 rbô 800 rbô dơ̆ nac tàm lơgar. Bulah kahf nac dunia ờ huan uă, mìng rơp pa gơ hòi gơ jà geh 7 rbô 200 dơ̆ nac mơya kung gam gơguh 60% pơndrờm dùl tŭ bal mờ nam lài.