Ràng tơlik rùp cồng nha lơh geh càr Dăk Nông dê bơh 20 nam do
Thứ bảy, 06:00, 23/03/2024
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Di dơ̆ tơngkah kir sơnrai 20 nam crơng gơs wơl càr, drim ngai 22/03, Ủy ƀan Ñân zân càr Dăk Nông pơgồp bal mờ Anih tờm ơn prap Dà lơgar II bơyai lơh dơ̆ ràng tơlik “Kah yau crơng gơs, ală cồng nha cíñ trị, lơh sa, niam chài, mpồl bơtiàn, lơngăp lơngai, sền gàr Dà lơgar bơh càr Dăk Nông dê tàm 20 nam do.
Dơ̆ ràng tơlik ràng tơlik mờr 270 rùp hin, sră nggal, sră wăc sềr rùp jơnau cih tàm ndàp ràng tơlik wơl bơta niam chài, kah yau, cồng nha lơh sa- mpồl bơtiàn, lơngăp lơngai, sền gàr Dà lơgar bơh càr Dăk Nông dê lài do mờ tŭ do. Tàm hơ̆, geh ală sră nggal ơn prap neh geh bơh pơgăp mờ do mờr 2 rơhiang nam.
Ală sră nggal, sră wăc sềr rùp tơngŏ bơta tam gơl broă lơh sră nggal, mat ù, mat ƀòn tàm ù tiah càr Dăk Nông dê bơh ală rài. Dơ̆ ràng tơlik là bơta yal tơngĭt sră nggal tờm geh kwơ ngan ai broă lơh kơlôi sơnơng niam chài, kah yau bơh ală cau jak chài dê; lơh geh ù tiah bơsram, jòi gĭt bè bơhiàn yau ai làng bol tiah do dê.
Viết bình luận