Dơ̆ lơh chờ ƀòn Sen là broă lơh niam chài geh gơtha kwơ màng tàm rài kis nùs nhơm bơh làng bol jơh gùt lơgar đơs bal mờ Nghệ An đơs is, nàng kờñ tơngŏ bơta jờng rơ, nùs nhơm ki ngàm, kah ưn ngài bơh jơh gùt jơi bơtiàn dê gơwèt mờ Wa.

Tàm mang sơnđờm mut lơh dơ̆ lơh chờ ƀòn Sen, Tổng Ƀí thư ồng Tô Lâm neh bal mờ ală kwang đơng lam bồ Đảng, Dà lơgar, Kwang đơng lam bồ Ƀộ Kwang àng, kwang đơng lam bồ càr Nghệ An mờ ală cau ala mat neh bơyai lơh bơhiàn koh biài sơnđờm ai ngui rùp “Wa Hồ rê còp ƀòn lơgar tờm”. Rùp “Wa Hồ rê còp ƀòn lơgar tờm” jơnhoa 12 thơk, geh lơh mờ lơngô pa ngan, mờ măi mok ép thuỷ lực pa. Rùp geh ơn tàm ƀlàng coh plai ƀòn Sen- tiah Wa Hồ neh tơm bơh bơr mờ làng bol tam 2 dơ̆ rê còp ƀòn tờm. Rùp bơh Ƀộ Kwang àng dê jàu pà, geh lơh bơh rùp Wa Hồ rê còp ƀòn tờm nam 1961.