Broă lơh geh bơyai lơh tàm mang ngai 14/05, tàm Hìu đơs crih dờng Hà Nội, tơngŏ bơta ưn ngài jrô ơnàng uă ngan mờ nùs nhơm kờñ gơboh ờ gĭt lơh bơh làng bol jơh gùt lơgar dê gơwèt mờ Củ tịc Hồ Chí Minh- kwang đơng lam bồ dờng màng, Cau ling khin cha jak chài tơngklàs jơi bơtiàn, Cau jak chài niam chài rlau jơh. Bơh ală jơnau đơs crih tam ya is ồn, broă lơh đơs nền gơnoar kah yau, bơngă pin dờn bồ tơngoh mờ phan lời wơl dờng màng mờ Củ tịc Hồ Chí Minh dê lời wơl ai kăc màng Việt Nam in mờ tus tŭ tơngai broă lơh bơtàu tơnguh bơh jơi bơtiàn dê.

Broă lơh đơs crih tam ya geh tam pà gơs 3 bơnah, bơh rùp hin klau pơnu dềt Nguyễn Sinh Cung tŭ gam kơnòm să cèng bềng bơta kơ̆p kờñ; Ală cơn đoà jơng Wa Hồ dê lòt gan lam gùt kơnhoàl ù tiah jòi gùng dong klàs Dà lơgar; Rùp hin Wa Hồ barah barài tàm rài kis bè ờs, mat sền lơbơn niam, săp ñiŏ bềng bơta kờñ gơboh gơwèt mờ làng bol, cau ling... , jơh ală bơta geh lơh tơngŏ wơl niam ngan bơh bơta pơgồp bal đah đơs crih tam ya ràng tơlik mờ sră nggal gah pờ lơma dê, cèng tus bơta sền gĭt bềng bơta ngoh rơngăc nùs nhơm cau sền dê.