Tơngai pa do, gah bơto bơtê càr Dăk Lăk neh jơh nùs lam lơh bơto bơtê ală tiah in bơh phan lời wơl, pơgồp bal mờ broă bơt bơtàu niam chài hìu bơsram dê. Uă hìu bơsram neh tàm bơrlŭ bal tơngume bè tiah tềl lời wơl kah yau, phan soh kòn cau, bơceh lơh phan bơna bơt bơtàu ờs mờng, đơs pơnđick, jơnau yal yau mut tàm broă lơh bơsram đah bơdìh mờ pơrjum mpồl bal dê.

Tàm cribơyai, ală cau ala mat tam pà bal uă mờng chài rơ̆ ru mờ broă lơh geh ngan nàng kờñ bơto bơtê bơta kwơ phan lời wơl ai kơnòm bơsram bơh kấp 1 tus kấp pe in. Ală jơnau đơs ndrờm ring bal là, broă bơto bơtê bơta kwơ phan lời wơl bơh gờñ rơ̆p dong rơnàng kơnòm să in gĭt loh nggu rơyah tờm niam chài, pơgồp bơnah tơnguh uă bơta gĭt wă mpồl bơtiàn mờ sơlơ tơnguh tai tàm bơrkoăt mpồl bơtiàn, ngan là tàm tiah uă jơi bơtiàn bè tiah Tây Nguyên dê.