VOV4.Mnông: Thướng tá Nguyễn Thanh Phong, Chính uỷ Đoàn Đak Tô an g^t, r[o\ng t^ng rơh tâm rlong jru hvi tâm ntu\k kan, cán bộ, tahen le\ nsrôih râng âk ntrong ngăn ngên, ntrong gay [ư an cán bộ tahen dơi nti trong kan tâm sư đoàn wât jru lơn mpeh nău way ơm sư đoàn, saơ aơ lah nău ntôh n’hao. Đah ăp nău [ư n’hêl na nê| tâm nt^m rđau, [^t joet, ngăn lah n’hao dơi nchrăp lơh rdâng bah cán bộ tahen, n’hao wât rbăng n’hanh ueh nâp  tiăr nti gay ndâk njêng sư đoàn nâp dăng le\ rngôch, hăn ndrel đah ndâk njêng rmôt kan đảng nâp dăng le\ rngôch gay ndâk njêng đoàn ntơm tâm di nău đah kan dơi jao.

Ta Tiểu đoàn 15, r[o\ng t^ng tâm rlong yor sư đoàn rgo\ jă, cán bộ tahen tiểu đoàn le\ săch nkô| nău ndâk njêng ntu\k kan nâp nâl, mât ueh kỷ luật [ư trong rdôl lơh. Lôch du\t ntu\k kan le\ bah nău [ư tih kỷ luật. trong kan tiăr nti, nchrăp lơh rdâng, kâp nt^m rđau, kâp uănh ntu\k kan lôch ueh. Trung tá Trần Đình Loan, Chính trị viên Tiểu đoàn 15, Đoàn Đak Tô an g^t:

Tiểu đoàn mô geh nău tih kỷ luật, cán bộ tahen tâm tiểu đoàn đăp mpăn nău m^n, m^n nău kan ta gưl nău kan dơi jao. Lơn lah tâm 8 khay bôk năm sư đoàn n’hanh n’hanh jrô kan chính trị an sam [u\t rnê rhơn an 6 nsum mpôl n’hanh 11 nu\ih êng tâm tiểu đoàn.

Ntoh lư tâm ntrong leo tâm rlong mpeh n’hao ueh tiăr nti, nchrăp lơh rdâng geh Đoàn Trung Dũng đah âk nău geh kơt: Lam ntu\k kan mât ndray n’hanh [ư t^ng rjăp nău kâp uănh nt^m rđau, kâp njrăng, kâp lơh rdâng, kâp uănh nău way kan; [ư lôch ueh nău kan tiăr nti mbơh nchrăp lơh rdâng.

Ntoh lư mpeh ndâk njêng ntu\k kan kloh ueh hăn ndrel đah n’hao ueh nău rêh nuih n’hâm an cán bộ tahen geh Tiểu đoàn 3, Trung đoàn H8. Đah nău geh pah kan tuch tăm mât rong, Tiểu đoàn 3 le\ ndâk [ư 2 mlâm jay sêt tâm n’gar neh n’hanh ndâk [ư jay u\nh jay sa, đăp mpăn, săk rnglay đah ding le\ prăk [ư rhiăng rkeh prăk. Đại uý Nguyễn Xuân Thanh, Chính trị viên Groi Tiểu đoàn 3, Trung đoàn H8, Đoàn Đak Tô an g^t:

Cán bộ tahen Tiểu đoàn m^n nkô| nău nchrăp lơh rdâng tiăr nti ueh ngăn gay mbah rhơn nkah g^t nar way ơm bah sư đoàn. Rlău ma ăp nău [ư trong kan Đảng, pah kan Chính trị [ư nkoch trêng mpeh nar way ơm bah sư đoàn. Lơn lah tiểu đoàn le\ ndâk njêng bôk nău [ư njroh mprơ gay râng njroh mprơ gưl sư đoàn.

Knơm rgo\ jă ueh n’hanh [ư tâm rlong geh ueh jêng  geh 100% cán bộ tahen Đoàn Đak Tô m^n êng n’hanh nsrôih râng ntrong leo tâm rlong. Bah ne\, ăp nău hôm e, ê ho\ dơi [ư ntu\k kan rdâk nkra tay. Ăp ntil nău ueh di, nău way ơm dơi mât ndray [ư ueh ta lam ntu\k kan. Tă bah ntrong leo tâm rlong le\ geh âk nsum mpôl, êng nu\ih ntoh lư tâm ăp ntil nău kan, lơn lah, nău dơi râng ntrong leo tâm rlong le\ dơi kơl rơh kơn druh ndăm nar aơ ntop tay ntôh n’hao mpeh nău way ơm bah sư đoàn. Tahen Đỗ Quang Tiếng, Đại đội 1, Tiểu đoàn 15, Đoàn Đak Tô ntôh n’hao, an g^t:

Gâp du\t ntôh n’hao rnôk dơi lăp tiểu đoàn 15 tâm sư đoàn 10, ntu\k kan geh âk nău [ư 2 tơ\ dơi an ndơ nkhôm Anh hùng. Gâp ntôh n’hao rnôk dơi rgop tâm ntrong leo tâm rlong mba rhơn nkah g^t 44 năm nar way ơm bah sư đoàn gâp ton mbra nsrôih du\t n’hâm [ư lôch ueh ăp nău kan dơi jao.

Săk rnglay ueh rơh tâm rlong ntrong leo lor, m^n [ư mhe, rgum soan [ư âk nău kan gay cán bôh tahen đoàn Đak Tô mbah rhơ 44 năm nar ndâk njêng ntu\k kan 20/9/1972-20/9/2016. Aơ lah ăp nău [ư bah cán bộ tahen Đoàn Đak Tô nar aơ nthoi tay nău way ơm ueh ang bah ntu\k kan 2 tơ\ dơi Đảng, Ngih dak an nkhôm Anh hung lực lượng vũ trang nhân dân./.

Nu^h rblang: Y Sưng Phê Ja