Lơ 14/5, ta rơh rƀŭn nchră bôk nău kan, Hội đồng nhân dân n’gor Khánh Hoà lĕ geh mbơh tơih âk nghị quyết khlăy mpeh hun hao wăng sa- rêh jêng. Nău dŭt nkah ngăn lah n’gor Khánh Hoà lĕ geh mbơh tơih nău ntrŭnh mbơh tơih nău kan ƀư trong têh Nha Trang- Đà Lạt tĭng trong kan ndrel (PPP). Tĭng nghị quyết, HĐND n’gor pă an UBND n’gor Khánh Hoà ƀư ntŭk kan geh nău dơi tĭng nău mbơh tơih bâh nău nchrăp kan tĭng nău ntrŭnh aƀaơ geh. N’gor Khánh Hoà nchrăp pă an klâp ma 1.500 rmen prăk bâh nău nchrăp ntuh kơl nsum lvang năm 2026-2030 gay ma ƀư tâm trok, ntrơn ntŭk gŭ, kơl an n’hanh  njêng ntŭk gŭ mhe. Nău kan ƀư trong têh Nha Trang- Đà Lạt đah lĕ rnoh prăk nchrăp geh rlău 25 rmen prăk, geh nău khlăy ngăn tâm trong tâm rgop hun hao đah n’gor Khánh Hoà n’hanh n’gor Lâm Đồng. Trong hăn mbra geh njêng tay ntŭk tâm rgop Tây Nguyên đah nkual duyên hải Nam trung Bộ, n’hao nău dơi tâm rgop đah ndrâm dak lêng, ntŭk kan wăng sa n’hanh ăp ntŭk pâl rlưn.