Rhơn geh tâm mâp ăp nuĭh đội viên ntoh lư, Tổng Bí thư, Kruanh dak Tô Lâm nkah tay tâm 85 năm ba năp, tâm nău jêr jŏt bâh cách mạng, Đội Thiếu niên Tiền phong Hồ Chí Minh ntoh luh n’hanh jêng ngih jay bên khlăy bâh oh kon se Việt Nam, âk nuĭh ntoh ang ta rơh tâm lơh tâm sư kơt Kim Đồng, Lê Văn Tám, Kpă Kơlơng n’hanh âk oh mon ntoh lư êng lĕ ƀư ang nău mĭn “Jê̆ năm yơn nău mĭn têh”. Tổng Bí thư, Kruanh dak Tô Lâm lah na nê̆ 5 nău wa Hồ nti lah nău khlăy ngăn gay ma ăp oh mon kơt nti tiăr nti n’hanh têh jêng. Nkoch nău mpŏng uănh tât năm 2045, kahgĭt 100 năm nar njêng ngih dak, Việt Nam jêng dak hun hao nău geh âk, Tổng Bí thư, Kruanh dak an lah âk oh mon  nar aơ mbra ta năm di tâm rgop kan ueh ngăn, tât rdâk njêng, mât n’hanh ƀư ntoh ang neh dak.