N’gor Đăk Lăk dôl geh mbơh ƀư rdâk njêng 3 ngih nti nội trú 2 gưl nti ta xã n’har bri I Rvê, Ia Lôp n’hanh Buôn Đôn đah lĕ rnoh ntuh kơl 390 rmen prăk, kơl an bơi tât 3.300 kon hoc nti Tiêủ học n’hanh THCS. Ăp ngih nti an geh ƀư lôch an lăp dŏng tâm khay 8 năm aơ. Wa Võ Văn Lơị, groi Giám đốc rnâng kan mât uănh nău kan ntuh kơl rdâk njêng n’gor Đăk Lăk an git, tơm ntuh kơl dôl geh mĭn uănh ăp nău ntĭm nti bâh n’gâng kan rdâk njêng gay ma mbơh tơih nău doh rklaih jêr jŏt an nuĭh ntuh kơl. Bol ma hôm nha geh âk nău jêr jŏt mpeh trôk nar mih sial, ndơ dŏng n’hanh nuĭh kan, ăp nău pah kan n’hanh nuĭh tơm dơn kan dôl geh nsrôih tâm rgop doh rklaih ăp nău kŏ văk, ntrôl ngăch nău kan gay ma ăp ngih nti nội trú nkual n’har bri ơm geh lăp dŏng, an tâm di đah nău nti bâh kon hoc ta n’har bri.