VOV4.M’nông – Ao mpe\ dak rhal, ty djôt mi nôp pâng đinh gay [ư jay kađar an du rnăk ta [on Brang, xă Đak Pling ta ntu\k gu\ mhe, Đại uý Nguyễn Hoài Nam, Groi kruanh tơm chính trị Trung đoàn Bộ binh 1, sư đoàn 2, Quân khu 5, lah:

Đah nuih n’hâm the n’hanh mât ueh tay nuih n’hâm Tahen wa Hồ kơt nău way ơm bah Trung đoàn 3 tơ\ dơi Đảng, Ngih dak an ntu\k kan Anh hùng lực lượng vũ trang nhân dân, mpôl hên m^n lah kơl [on lan lơ nga\ch lơ ueh, trơn ăp rnăk tât ntu\k gu\ mhe n’hanh đăp mpăn nău rêh ơm ngăn”.

Trơn nklăp 500 mét n'hanh le\ rngôch [ư đah ty

Tât nt^m rđau trong kan trơn [on lan nkual p^ch rlâm, wa Phan Văn Trung, Kruanh UBND nkuăl Kông Chro an g^t, ndrel đah rlău 100 cán bộ, tahen tâm Trung đoàn Bộ binh 1, sư đoàn 2, Quân khu 5, di rơh aơ, N’gâng kan nt^m rđau tahen n’gor Gia Lai đă 30 cán bộ, tahen, nkuăl đă rlău 200 cán bộ, đoàn viên, druh ndăm hăn kơl [on lan. Nsrôih bah nkuăl lah tâm 10 nar mbra jêh nău trơn 60 rnăk [on lan bah [on Brang tât ntu\k gu\ mhe đăp mpăn:

Nkuăl, n’gor le\ uănh aơ lah nkual trôk nar lơh, p^ch rlâm neh du\t klach. Gay mkra nău aơ, dơi tâm ban u\ch bah n’gor uỷ, UBND n’gor kơt nău nsrôih bah nkuăl uỷ, UBND nkuăl, tâm năm bah năp, mpôl hên le\ pah kan rgo\ jă, nkoch trêng [on lan gay trơn le\ rngôch 60 rnăk luh nkual trôk nar lơh, p^ch rlâm neh. Bah ne\, đăp mpăn nău rêh an kônh wa tâm yan mih.

Tahen kơl [on lan Gialai [ư jay

Kônh wa rnoi Bahnar [on Brang gu\ mhe âk năm kăl e ta njok yôk Kông H’noi, nkual êp đah dâng rđu\ng n’hanh nkual yôk bah 3 n’gor Gia Lai, Bình Định n’hanh Phú Yên. T^ng nău way ơm kăl e, kônh wa way rêh êp dăng diăng gay so\k dak do\ng. Yơn, nău way ơm aơ a[aơ mô tâm di yor bri ta yôk le\ phah bơi le\, tâm yan mih, kônh wa mâp âk nău dak rchoh, p^ch rlâm neh. Bu ranh [on Đinh Blơng, năm aơ rlău 80 năm deh an g^t, năm 2009, du rơh dak lip rchoh têh nkre p^ch rlâm neh le\ ntrôl du\t âk neh lu\ ta yôk ju\r tâm [on, kơp bah ne\, ăp năm tâm yan mih, nu\ih [on lan du\t klach. Tât a[aơ, dơi tahen, n’gâng kan n’hanh druh ndăm jur kơl [on lan trơn tât ntu\k đăp mpăn, bu ranh [on Đinh Blơnh, rhơn nkoch:

Tât nar prao n’gâng kan [on lan rgo\ jă kônh wa trơn tât ntu\k gu\ mhe. Tâm năm ne\ mô geh nău khuch khat đah nu\ih, knu\ng khuch đah drăp ndơ dơm. Mih têh, siăl dăng, dak rchroh, p^ch rlâm ne\, geh du mon druh ndăm dak rdu, lap ma g^t re dak jêng dơi rlău. Mpeh nău n’gâng kan rgo\ jă kônh wa trơn tât ntu\k gu\ mhe ăp nu\ih du\t rhơn, mô geh rngot, mô geh ji nuih. Ntu\k gu\ đăp mpăn, lơn n’hanh mbra dơi ngih dak ntuh kơl n’hanh nău rêh đăp mpăn, ngăch dăng lơn.

Nău kan dơi [ư ndăn jêh

Ta ntu\k gu\ mhe, tă ntu\ gu\ ơm rlău 500 mét lah du nkual neh lâng. Du rnăk dơi pă 380 m2 neh gu\ n’hanh dơi kơl 20 rkeh prăk gay trơn. Đah jo\ jông, nkuăl Kông Chro mbra ntuh kơl to\ng ăp ndơ [on lan do\ng kơt điện, trong hăn, ngih sam [u\t, ngih dak si, dak do\ng an kônh wa. Wa Đinh Văn Miêu, Kruanh [on Brang m^n lah, geh ntu\k đăp mpăn, mô hôm rvê dak lip rchoh, p^ch rlâm neh, kônh wa mbra nsrôih [ư sa, hun hao wa\ng sa:

A[aơ lah kơt ne\ aơ, êng [on mpôl hên trơn tât ntu\k gu\ mhe yor neh ntu nkri tât nău rêh ta [on ơm, gâp ton mbra đăp mpăn an kônh wa he [ư sa đăp mpăn, hun hao lơn bah năp đaơ. N’hanh nău trơn ri mô geh nău wa\k kol, jêr jo\t. le\ rngôch 60 rnăk tâm ban u\ch tât ntu\k gu mhe [ư sa đăp mpa\n, mô geh nău klach mih sial dak rchoh, p^ch rlâm neh tay.

Âk năm rêh ta yôk prêh n’hanh rdâng đah ăp nău dak rchoh, p^ch rlâm neh, tât a[aơ kônh wa [on Brăng, xă Đak Pling, nkuăl Kông Chro, n’gor Gia Lai le\ geh ntu\k gu\ đăp mpăn. Aơ lah nău ntru\nh di, ơm bah n’gâng kan [on lan gay đăp mpăn nău rêh n’hanh đăp mpăn kon nu\ih an [on lan ta nkual ju\r djơh, geh p^ch rlâm neh. Tă bah nău kơl 60 rnăk rnoi Bahnar ta nkua\l Kông Chro, n’gor Gia Lai tât nkual gu\ mhe, du tơ\ tay an saơ rup ndah “Tahen Wa Hồ” đah nu\ih [on lan lơ ntop tay dăch dêh./.

Nu\ih răk rblang: Y Sưng Phê Ja