Lơ 15/3, truyền thông lam ntŭr neh ndơ̆ âk nău mpeh rơh săch đại biểu Quốc hội khóa 16 n’hanh đại biểu Hội đồng Nhân dân ăp gưl năm kan 2026-2031, lah rlăp aơ nău chính trị khlay ƀư tâm rnôk Việt Nam ntrôl tay ăp nău rƀŏng hun hao wang sa-rêh jêng an lvang mhe.

Tĭng nău nchih bah hãng thông tấn ngih dak Malaysia-BERNAMA, rơh săch ƀư tâm rnôk Việt Nam dôl ntrôl dăng jêh trong kơl rhŏ an ăp nău rƀŏng têh hun hao jŏ jong. Nău nchih an lah rơh săch têh mô knŭng lah di an nuĭh ƀon lan lam dak ƀư nău dơi n’hanh nău kan nuĭh ƀon lan, săch ăp đại biểu ntoh lư ntoh măt an nuih n’hâm, nău ŭch bah nơm tâm Quốc hội n’hanh Hội đồng nhân dân ăp gưl năm kan mhe, ma hôm lah njoăt ƀư na nê̆ Nghị quyết Đại hội 16 bah Đảng Cộng sản Việt Nam, hăn ndrel đah trong kan cán bộ n’hanh lĕ đah nău kan bah ăp gưl, ăp nău kan.

Ta Trung Quốc, hãng thông tấn Tân Hoa xã lah rjăp têh hvi n’hanh geh rmôt bah rơh săch, an gĭt bơi 79 rkeh nuĭh ƀon lan Việt Nam râng nklăch phiếu gay săch 500 đại biểu ntoh măt Quốc hội khóa 16, nkre săch đại biểu Hội đồng Nhân dân ăp gưl năm kan mhe. Tâm ban ma nĕ, báo Kikkei Asia bah Nhật Bản uănh lah rơh săch di an nuĭh ƀon lan râng săch ăp đại biểu ntoh măt an nău ngơi n’hanh nău geh bah nơm.