Jêh nglăp nsum hành chính, n’gor Lâm Đồng dôl ƀư tĭng nău dăp rgum tay ăp rkum công nghiệp, an uănh nău jăng lơi dăp rgum 6 rkum công nghiệp; rgâl 14 rkum công nghiệp geh tâm dăp rgum yơn jêr wăch rgum ntuh kơl an nchrŏng hun hao bah kơi 2030. Nkre, ntop mhe 15 rkum công nghiệp tâm dăch rgum lvang năm 2026-2030.

Kơt nĕ, tâm lvang 2026-2030, n’gor Lâm Đồng dăp rgum 62 Rkum công nghiệp, têh rlău 2.300 ha. Wa Cao Thị Thanh, Groi Giám đốc N’gâng kan Công thương n’gor Lâm Đồng an gĭt, nău nkra rgâl dăp rgum bah nkual jêr jŏt wăch rgum ntuh kơl an nkual dơh gay wăch rgum ntuh kơl, Yor nê, nchrŏng trong nkra rgâl trong ƀư hun hao ăp rkum công nghiệp ta lam n’gor Lâm Đồng mbra rgum dŭt âk ta nkual êp dak lêng, ta n’gor Bình Thuận ơm.