Ta rơh vơt, Thủ tướng Phạm Minh Chính an gĭt, nău tâm boh kan Việt Nam- Belarus lĕ geh njoat hun hao ueh tâm ba năp nơh. Bar ding ƀa ƀơ tâm mbơh nău kan n’hanh geh ăp rơh tâm mâp gưl têh, n’hao nău tâm mâp ta rơh ăp rơh rƀŭn nchră lam ntur neh n’hanh tâm mâp âk ding. Thủ tướng ŭch 2 ding n’hao nău tâm kơl mpeh rnă njrăng, mât đăp mpăn, ngăn lah ntrôl dăng nău ntĭm nti cán bộ mât uănh tư pháp, bâh nĕ njêng nău tâm kơl kan tâm let năp tay. Thủ tướng an lah, ăp nău kan Uỷ ban 2 chính phủ geh mât ƀa ƀơ, bar ding an geh mât tâm ban nău tâm kơl kan mpeh uănh năl tư pháp, nta nău dơh nơih an cán bộ Việt Nam kơt nti, mĭn kan ta Belarus gay ma n’hao an săk rnglăy n’gâng kan uănh năl tư pháp, mât đăp mpăn geh mbơh tơih ngăch, ndăn n’hanh săk rnglăy.