Ntoh ngơi n’glôch jêh ta rơh rƀŭn tal 56 bah Ủy ban Thường vụ Quốc hội, rơh rƀŭn n’glêh dŭt bah Quốc hội khóa 15, Kruanh Quốc hội Trần Thanh Mẫn lah rjăp, tâm lôch năm kan mhe rlău, Ủy ban Thường vụ Quốc hội lĕ tâm rnglăp nsrôih, lĕ đah nău kan, tâm rgop rjăp đah Chính phủ, ăp ngih pah kan gay mbơh ƀư âk nău kan têh, đă dŭt âk, tâm nĕ geh âk nău kan tĭng nău khlay, nău jêr, rgop an lôch uĕh nsum bah Quốc hội khóa 15 n’hanh nău hun hao nsum bah neh dak.

Kruanh Quốc hội Trần Thanh Mẫn mĭn lah, tât rnôk aơ, trong kan nchrăp an rơh rƀŭn bôk năp, Quốc hội khóa 16 lĕ dơi nchrăp tŏng ăp, na nê̆, tĭng nău ntrŭnh, trong rƀŏng têh bah Đảng, đă ngăn ngên n’hanh nău ntrŭnh bah pháp luật. Kruanh Quốc hội Trần Thanh Mẫn lah, bôl năm kan khóa 15 êp lôch, yơn nău kan bah Ủy ban Thường vụ Quốc hội, ăp ngih pah kan bah Quốc hội hôm e dŭt têh, bah aƀaơ tât rnôk Quốc hội săch geh Ủy ban Thường vụ Quốc hội n’hanh ƀư tŏng ăp ngih pah kan bah Quốc hội khóa 16, lôch jêh nău jao an đah 2 năm kan.