Tâm nchră lam dak n’glôch jêh pah kan bầu cử đại biểu Quốc hội khóa XVI n’hanh đại biểu Hội đồng nhân dân ăp gưl năm kan 2026–2031 mhe ƀư ta Hà Nội. Lah ta rnôk tâm nchră, Kruanh Quốc hội Trần Thanh Mẫn, Kruanh Hội đồng Bầu cử gưl neh dak lah rjăp rơh bầu cử hŏ geh nău dơi uĕh lăng, jêng rơh sinh hoạt chính trị jru hvi, nar rgum têh lam ƀon lan, dơi nău lư tâm n’hanh bah dih dak nchih nkah, rnê âk.

Lôch jêh, cử tri lam dak hŏ sơch tŏng 500 đại biểu Quốc hội, 2.552 đại biểu Hội đồng nhân dân gưl n’gor n’hanh 72.438 đại biểu Hội đồng nhân dân gưl xã. Ăp rnoh dja an saơ pah kan nchrăp nuĭh kan dơi ƀư lhăt, geh nău tâm ban, di quy định pháp luật. Aơ lah jâng ntơm khlay tâm rnôk ƀư ăp tŏng Ngih dak pháp quyền xã hội chủ nghĩa bah ƀon lan, tă bah ƀon lan n’hanh yor an ƀon lan, nkre ntrŭt ntrôl rgâl mhe nuĭh kan, n’glăp dŏng n’gâng kan bar gưl n’hanh ntrôl dăng rgâl mbrô, dŏng công nghệ tâm mât rêh jêng kon nuĭh.