Ta phường Thống Nhất, n’gor Gia Lai, Binh đoàn 15 (Bộ Quốc phòng) ƀư nar Mbah rhơn wơt dơn Săk ntơ Anh hùng Lực lượng vũ trang nhân dân tâl bar.

Aơ lah nklâm ndơ khlay, nchih nkah jâng ntơm khlay tâm rlău 41 năm tĭng ƀư nău dơn kan ta ntŭk têh khlay Tây Nguyên. Ta rơh lễ, Thượng tướng Nguyễn Quang Ngọc -Thứ trưởng Bộ Quốc phòng – lah rjăp đă Binh đoàn ntik n’hao tay nău way ơm, rgum rdâk njêng đơn vị nâp dăng lam lĕ rngôch, nkrêp lhăt đah hun hao wăng sa đah rdâk nâp tay njrăng n’gang neh dak, n’hao suan dăng n’hanh nău dơi nchrăp tâm lơh, nkre lor nchrăp kan nsum geh nău tam đah gưl ủy, n’gâng kan ta ntŭk ta ăp njăr trong n’har bri; ntrôl dăng rgâl mhe trong ntĭt leo hun hao, dŏng rgâl mbrô, n’hao rnoh khlay ƀư njêng n’hanh nkret njêng jru. Thượng tướng Nguyễn Quang Ngọc njrăng đă Binh đoàn 15 ân ƀư jăp pah kan rgŏ jă n’hanh tâm dâl nău ta nkual n’har bri, đăp mpăn uĕh an nău ŭch geh tâm rơh mhe.