Ôi 19/5, Hội Liên hiệp Bu ur n’gor Gia Lai n’glôch jêh bôk nău kan “Mê̆ djôt bôk mât rong” lvang 2021-2025. Bôk nău kan yor Trung ương Rmôt Liên hiệp bu ur Việt Nam rgŏ jă gay ntop kơl, mât rong kon se kon đơi geh nău rêh dŭt jêr jŏt. Jêh bơi 5 năm mbơh ƀư bôk nău kan, ta Gia Lai lĕ geh 172 mê̆ djôt bôk mât rong ta n’gor dôl ntop kơl, mât uănh, rong 407 kon se kon đơi.

Tă bah âk trong ntop kơl, bôk nău kan rgŏ jă an rlău 57.000 nklâm ndơ, 580 nklâm prăk kơl hăn nti, 185 bôk ndeh wah jâng, ntop kơl nkra jay an kon se kon đơi... khlay bơi 10 rmen prăk. Ta nar ƀư, ăp nuĭh  ntoh măt lĕ tâm rgâl nău blău ơm, ntrong ƀư uĕh tâm nău boăt nthoi nsum mpôl, rgŏ jă ăp rmôt kan, êng nuĭh ndrel ty mât rong kon se kon đơi; tâm pă ăp nău mĭn rwê bah cán bộ Rmôt kan rnôk mbơh ƀư bôk nău kan; nău rŏng bah ăp mê̆ djôt bôk rnôk dơn ăp kon se mha ƀư kon, nta an ăp oh geh ngih wâl.