Kêng măng 4/5 ta Nkual ƀon têh Cần Thơ, Tổng Bí thư Tô Lâm ƀư tơm rơh pah kan đah Ban thường vụ Thành uỷ Cần Thơ n’hanh rnâng kan ăp tỉnh uỷ Sóc Trăng n’hanh Hậu Giang mpeh  nô nău an ƀư ăp nghị quyết, n’glôch jêh bah Trung ương; nău n’glăp, dơn ngoăy ăp nhih  pah kan gưl n’gor n’hanh njêng Đảng bộ Nkual ƀon têh Cần Thơ lôch n’glăp dơn ngoăy tĭng Nghị quyết 60 bah Trung ương ta 3 n’gor.

Tổng Bí thư lah rjăp, nău n’glăp dơn ngoăy 3 n’gor jêng nkual ƀon têh Cần Thơ mhe mbra nta trong dơh gay tĭng ƀư tâm nkrêp lhăt mpeh ntŭk wăng sa, văn hóa, rêh jêng kon nuĭh, glêh tam nuĭh kan, n’hao nău dơi tam mât kan ngih dak, ntik n’hao dơh uĕh tĭng rnoh têh hvi n’hanh nkre đah suan dăng bah tĭng n’gor. An lah, năm 2025 lah năm dŭt geh nkô̆ khlay mha êng, rnôk ƀư wat jêh rnôk n’glăp nsum n’gor, nkre lah năm ƀư Đại hội Đảng ăp gưl hăn tât Đại hội XIV bah Đảng, Tổng Bí thư êng njrăng uănh khlay, rgum an mông nar tâm di an  pah kan nchrăp n’hanh ƀư geh nău dơi Đại hội Đảng bộ ăp gưl, tâm nê pah kan rdâk njêng siƀŭt nchrăp lor dăn đă ta đại hội, ân ƀư âk mbâl, ăp dăp n’hanh khoa học, grêt dăch tĭng nău ntrŭnh 45 bah Bộ Chính trị.