
Ta Dak Lak, báo chí cách mạng lĕ ơm jêng hun hao bah âk năm 30 bah rach năm bah năp. Tâm Ngih krŭng Buôn Ma Thuột geh ăpn’ha bao “Yuănn-Êđê”, “Xiềng-Xích”, “Xích sắtt”, yor ăp đồng chí Phan Đăng Lưu, Hồ Tùng Mậu n’gâng tơm n’hanh na nê̆ nău nchih... Ăp n’ha báo nchih ty 3 plơk jêt đah mpang ty gay dơh ndơ̆ ty ndrel ma hôm e mât mpôn, lĕ ntĭm nti nuih n’hâm cách mạng an nuĭh krŭng.
Lơ 1/5/1975, Radio ntuh ngơi Dak Lak (moh săk Radio Ntuh ngơi-Ntuh rup Dak Lak) ntơm pơk bôk năp. Lơ 1/5/1976, Tòa soạn Báo Dak Lak dơi ndâk njêng, mbơh băl răk bôk năp di tâm rơh Tết Bính Thìn.

Ndrel đah nău hun hao nsum bah lam dak, báo chí n’gor Dak Lak lĕ geh ăp njoat hao jêng nâp. Aƀaơ geh 54 ngih pah kan báo chí dôl pah kan ta lam n’gor.
Ta rgum nchră, ăp đại biểu ndrel tâm rgâl mpeh ăp nău ntŭl rlong n’gluh tâm rlău mhe, dăn đă ăp trong mkra ndâk njêng rmôt nuĭh ƀư báo tâm di nău đă hun hao. Tĭng nuĭh báo Đàm Thuần, Groi Tổng biên tập Báo Dak Lak, đă nar lơ âk mpeh rgâl mrô, nuĭh ƀư báo an mât nâp nău mĭn cách mạng, nău rêh pah kan.
Aƀaơ AI geh dŭt âk ndoh ndơ, phần mềm jêng ƀư báo aƀaơ rlău ma nău hăn ngăn ri he dơi dŏng dŭt âk ăp ndơ, ndơ bah AI gay ntop kơl uănh năl nu nău. Ntop đah ăp nău mĭn, trong uănh, trong chính trị bah nuĭh báo, đah nău di bah báo chí, lơn lah nău rêh bah nuĭh ƀư báo cách mạng. Dŏng mạng xã hội n’hanh rgâl pơng jêng ndơ ntop kơl, jêng du trong gay ndơ̆ nău, truyền thông an báo chí.
Ăp đại biểu tâm ban ŭch đŏng, đah ntŭk ntô geh êng kơt Dak Lak, nău pă an nău mhe na nê̆, ngăch, uănh khlay tât đah nuĭh ƀon lan, lơn lah kônh wa ta nkual jru ngai, nkual rnoi mpôl đêt, mô knŭng lah nău kan khlay ma hôm lah lĕ nău kan chính trị, nău mĭn bah nuĭh ƀư báo. Báo chí cách mạng đah nău ƀư tơm lah ntung nthoi đah Đảng, Ngih dak n’hanh nuĭh ƀon lan, an mât uĕh tay nău kan rhŏ an, rêng hvi nău ntrŭnh, nău kơl tât đah ăp rơh kơn tâm nău rêh jêng, rgop đăp mpăn nău dơi geh tât nu nău mhe bah nuĭh ƀon lan, rgum jêt tâm ƀah nu nău mhe, n’hao ƀon lan wât, mât nâp tâm rnglăp lam rnoi nuĭh.

Wa Trần Hồng Tiến, Giám đốc N’gâng kan Văn hóa, Thể thao n’hanh pâl nđaih n’gor Dak Lak an gĭt, ăp nău nkoch ta rgum nchră mbra rgop tâm nău ndâk njêng rmôt kan báo chí tâm di nău đă pah kan mhe.
Ăp nău rgop dŭt tâm di, tĭng đah nău ngăn bah n’gor. Ăp ngih pah kan mât uănh ngih dak, ăp gưl, ăp nău kan jêh rnôk djătp dăn đă nĕ ri mbra geh ăp trong nchrŏng, nău ntrŭnh, tâm ôp tâm nchră gay nta an ăp nuih n’hâm kơl an ăp ngih pah kan báo chí, rmôt phóng viên pah kan uĕh lơn, rhŏ an uĕh nău kan chính trị bah n’gor.
Viết bình luận