Ôi (22/06), ta jay Quốc hội, ƀư tâm nchră đại biểu Quốc hội mom rgop trong nchrăp siƀŭt dăn đă Đại hội Đảng tâl 14. Lah ntơm pơk tâm nchră, GS.TS Nguyễn Xuân Thắng – Kruanh Hội đồng lý luận Trung ương, Rnâng kan Tiểu ban Văn kiện Đại hội 14 lah rjăp, Trong nchrăp siƀŭt dăn đă Đại hội 14 bah Đảng mpơl nău nđơn tay n’hanh hun hao bah ăp đại hội bah năp, nkre nkoch nău rgâl mhe, nău blău nău mĭn n’hanh nău kan.

Rgop tâm trong nchrăp siƀŭt nchrăp lah rnôk gay ăp đại biểu quốc hội mom rgop nău gĭt blău bôk rngok, lĕ nuih n’hâm tâm nău hun hao bah neh dak. GS.TS Nguyễn Xuân Thắng dăn đă: Dŭt âk nkô̆ mhe ndơ̆ luh, lah ân đăp mpăn gay hun hao n’hanh hun hao đăp mpăn jŏ jong. Rgum tơm bah nkô̆ dja lah wăng sa rêh jêng kon nuĭh n’hanh mât njrăng ntŭk gŭ rêh. Ntŭk gŭ rêh lah nkô̆ mhe. Hôm nkô̆ nău kon nuĭh đăt ndal. Ntơm nơh mpôl hên way nkoch tât trong nchrăp têh  jong. Yơn gâp mĭn tât gưl tâm dâng; mô tâm ban gưl nău dơn kan, mô bah ngăn ngăn he hun hao ma moh trong hao. Gâp ŭch rŏng ăp oh nô mĭn tay ntŭk dja tâm trong đăt ndal.