Ôi 15/7, UBND n’gor Dak Lak ƀư Bôk nău kan “Dak Lak mrô”, nsrôih ƀư tĭng Nghị quyết 57 bah Bộ Chính trị mpeh hun hao khoa học, công nghệ, rgâl mĭn ƀư mhe n’hanh rgâl mrô lam dak. Bôk nău kan dơi ƀư na nê̆ n’hanh boăt nthoi trực tuyến tât 102 xă, phường tâm n’gor. Kruanh n’gor Dak Lak lĕ lâ̆t ntơm pơk nău nchrăp ƀư ndâk nkra ntŭk ntô rgâl mrô Dak Lak lvang 2021-2025, rƀŏng tât 2030-ndơ ƀư khlay mbah rhơn Đại hội Đảng bộ n’gor năm kan 2025-2030.

N’gor rgŏ jă “100 nar ƀư hô” (bah lơ 15/7-25/7/2025) ntrong leo “Ƀon lan nti rgâl mrô” dŭt n’hâm rêng hvi nău wât, nău blău công nghệ thông tin n’hanh rgâl mrô jru hvi tât tĭng thôn ƀon, tổ dân phố. Ntrong leo rbô̆ng tât nău ŭch an ăp nuĭh ƀon lan, ngăn lah nkual rnoi mpôl đêt n’hanh nuĭh gŭ nkual jru ngai dơi gĭt tât ăp nău dơh mrô, gĭt dŏng rhŏ an nău kan nsum trực tuyến n’hanh ăp n’gâng tơm mrô rhŏ an nkra njêng, tăch rgâl, kơt dŏng AI ntop kơl joi nău ntrŭnh, trong ƀư tâm pă gưl, ƀư samƀŭt hành chính nsum.