Ƀư tơm rơh hop sơ kết 1 khay n’glăp dŏng n’gâng kan 2 gưl tâm kêng măng ntri (28/07), ta Nhih pah kan Chính phủ, Thủ tướng Chính phủ Phạm Minh Chính dăn đă: đăp mpăn ăp ndơ tŏng geh khlay, ntŭk ntô, ndơ dŏng kỹ thuật gay n’gâng kan 2 gưl an ƀư ăp kôp, mbluh soih n’hanh geh nău tam.

Lah ta rơh hop, Thủ tướng Chính phủ Phạm Minh Chính rnê âk nău lăp kan bah ăp n’gâng kan, ăp n’gor an ƀư n’glăp dŏng n’gâng kan 02 gưl. An lah uănh nsum nău dơi lah uĕh, yơn lah, Thủ tướng nchŏng kloh ăp nău wăk kol tât neh ntu, siƀŭt sitra, tư pháp, nhih dak si, nhih nti, n’glĕ nău dơi sơch lăp nti... Nkoch ngăn ngăn, nuĭh ƀon lan mô hŏ way bên đah rgâl mbrô jêng siƀŭt glêh nha hôm hăn tât ntŭk rgum ƀư siƀŭt đŏng, Thủ tướng lah rjăp ân rgum rgâl mbrô gay hŭch dơh glêh siƀŭt an nuĭh ƀon lan, doanh nghiệp, yơn lah ân ra uănh tay, dŏng du phần mềm nsum, đăp mpăn lăp kan mbluh soih n’hanh geh nău tam.