UBND n’gor Gia Lai mhe ƀư rƀŭn nchră uănh nđôi ngăch trong kan trok neh, sŏk neh nău nchrăp ƀư trong têh hăn ngăch Quy Nhơn-Pleiku. Rƀŭn nchră gay kơp uănh tay lĕ rngôch ngăch ƀư, ngăch dôh rkaih wăk kol, ngăn lah ta ăp lvang trong hăn rlău n’gor, đăp mpăn ngăch nsum lĕ rngôch nău nchrăp ƀư. Trong têh hăn ngăch aơ jong nklăp 125 km, tâm pă jêng 3 nău nchrăp ƀư gưl nău, têh 4 mbôr ndeh, dĭng lĕ prăk ntuh kơl geh rlău 43.700 rmen prăk.

N’gor Gia Lai nchrăp pă 7 nkual ntŭk gŭ mhe an 122 rnăk geh khuch na nê̆ tâm rnoh rlău 1.000 rnăk an trơn. Ăp ntŭk lĕ jêh dăp rgum, ƀư samƀŭt rhăch nău ntuh kơl ăp nkual ntŭk gŭ mhe, kâp năl tay, uănh an gay ntơm ƀư tâm năm tât. Nchrăp bah lơ 30/7, n’gor ntơm ntăm n’gâng sŏk neh, ƀư nkô̆ nău uănh joi dữ liệu rhŏ an trok neh, ntop kơl ntŭk gŭ.