Ta Rƀŭn nchră rơh tal 2, Ban Chấp hành Đảng bộ n’gor Dak Lak lĕ rgum tâm nchră mpeh ăp rnoh an ƀư, trong nchrăp hun hao wăng sa-rêh jêng, đăp mpăn mât njrăng bri dak-rnă njrăng 6 khay dŭt năm 2025. Tĭng nkô̆ nău săk rnglăy ƀư tĭng n’gul bôk năm aơ geh rnoh hao jêng rlău 7%, n’gor geh nău rƀŏng hao jêng lĕ năm geh bah 8% let lơ, sŏk an tơm prăk rlău 16.300 rmen prăk, geh rĭng bôk nuĭh 80 rkeh prăk/du hê tâm năm 2025.

Tĭng wa Nguyễn Đình Trung, Bí thư N’gor ủy Dak Lak, gay jêh ăp nău rƀŏng, n’gor an ơm mât uănh tay n’gâng kan 2 gưl tĭng trong đêt dơh tŏng ăp, tam, săk rnglăy; n’hao dơi mât uănh, ƀĭt joet ăp gưl, nău kan; rmôt cán bộ n’hao nuih n’hâm lĕ đah nău kan, rgum ntĭm rđău, ƀĭt joet mbơh ƀư dŭt n’hâm ăp nău kan, trong mkra khlay. Rƀŭn nchră tâm nchră, an rgop tâm du đêt nkô̆ nău khlay nchrăp an Đại hội Đảng bộ n’gor Dak Lak năm kan 2025-2030.