Gay ntrôl dăng rnôk rgâl mbrô tâm nhih pah  kan  ngih dak, rgop n’hao nău dơi tam mât bôk kan Ngih dak, uĕh blău mhe jâng nsing ƀư siƀŭt sitra n’hanh nsan an hun hao wăng sa- rêh jêng kon nuĭh, nar 17/7, ta Hà Nội ƀư rgum nchră rgâl mbrô nhih pah kan ngih dak- jâng ntơm an hun hao wăng sa rêh jêng kon nuĭh tă bah Báo Điện tử Radio nău ngơi Việt Nam ƀư. Tâm rơh cách mạng công nghiệp 4.0 dôl ƀư dăng, rgâl mbrô jêng n’gâng tơm khlay tâm pah kan n’hao nău dơi tam mât bôk kan Ngih dak, uĕh blău mhe jâng nsing ƀư siƀŭt n’hanh kơl an hun hao wăng sa rêh jêng kon nuĭh.

Nău dŏng công nghệ mbrô tâm nhih pah kan ngih dak mô dơn dơh ngăch bah ăp nhih pah kan Ngih dak, ma hôm nta trong  dơh an doanh nghiệp n’hanh nuĭh ƀon lan tât đah ƀư siƀŭt đŏng. Ta rơh rgum nchră, wa Phạm Mạnh Hùng- Groi Tổng giám đốc Radio nău ngơi Việt Nam lah rjăp, rgâl mbrô pơk luh trong an nău đăt ndal nsan hao, jêng du suan ntrôl rgop tâm n’guăk tay jâng wăng sa, rgâl mhe trong mât bôk kan rêh jêng n’hanh n’hao nău dơi tam rhŏ dŏng an nuĭh ƀon lan, doanh nghiệp. Lơn lah nkual nhih pah kan ngih dak đah nău ƀư lah dâk leo lor trong dôl dâk bah năp nău ŭch geh rgâl mhe, keh mbrô bên di ntrôl ngăch hun hao wăng sa rêh jêng kon nuĭh.