Rơh rƀŭn nchră uănh năl, nchrăp âk nău kan tă geh mbrơi yor nkô̆ nău êng êng n’hanh nău kan mô tâm di. Tâm ba năp nơh, n’gâng kan chính trị, Ban bí thư n’hanh Tổng Bí thư Tô Lâm lĕ ntĭm đă na nê̆ gay ma rklaih rnoh kan, der mpung lir drăp ndơ ngih dak, doanh nghiệp n’hanh nuĭh ƀon lan. Nglôch lôch rơh rƀŭn nchră, Thủ tướng Phạm Minh Chính kơp dơn ăp nău tâm rgop na nê̆, tâm dăch nău ngăn. Thủ tướng đă ăp n’gâng kan, ăp ntŭk kan an geh uănh năl, pă ntil nău kan n’hanh dăn đă mbơh tơih trong kan tĭng nău dơi. Ăp nkô̆ nău rlet rlău nău dơi an geh ngăch mbơh tơih đah ntŭk kan ba lơ. Nău uănh njrăng an geh mât đăp mpăn di nuĭh, di nău kan, tâm di nău ntrŭnh bâh Đảng n’hanh Pháp luật Ngih dak, ntop ndŏ ăp nău nchrăp kan ơm lăp tâm nău rêh, ntrôl an hun hao wăng sa rêh jêng.