Kêng măng (5/5) ta Ngih Trung ương Đảng, Tổng Bí thư Tô Lâm, Kruanh Ban ntĭm rđău râng n’hanh ƀĭt joet rơh rƀŭn chuyên đề bah Ban Ntĭm rđău Trung ương mpeh lôch jêh trong ƀư, pháp luật. N’glôn jêh rơh rƀŭn, Tổng Bí thư Tô Lâm uănh lah prêh nsrôih bah Đảng ủy Chính phủ, Đảng ủy N’gâng kan Tư pháp, Đảng ủy N’gâng kan Prăk kaih, Đảng ủy N’gâng kan Khoa học n’hanh Công nghệ n’hanh Đảng ủy ăp n’gâng kan, nău kan tâm nar đêt ngăn lĕ jêh rnoh nău kan têh, geh nău jêr jŏt n’hanh dăn đă ăp trong mkra dôh rklaih jêr jŏt, wăk kol yor nău ntrŭnh pháp luật.

Bôk năp, ăp ntŭk kol lĕ dơi saơ an dơi mkra dâl, lôch bah, mô an nking n’gang tay hun hao n’hanh soih aih tơm prăk. Năm tât, đă, Đảng ủy Quốc hội, Đảng ủy Chính phủ ntĭm rđău tay du đêt Nău nchrăp ƀư Luật khlay an Bôk nău kan ndâk njêng pháp luật năm 2025 bah Quốc hội, mbơh an ta Rơh rƀŭn tal 10 bah Quốc hội khóa XV gay mkra dâl ăp nău wăk kol geh tât Luật; Đảng ủy Chính phủ ntĭm rđău lôch jêh kơp uănh, đăp mpăn uănh di na nê̆ trong mkra ăp jêr jŏt, wăk kol lah lĕ sŏk dơn tâm năm bah năp.