Râng Đại hội đại biểu Đảng bộ N’gâng kan tâm rnglăp nchră nău ôi (15/7), Thủ tướng Chính phủ Phạm Minh Chính đă, năm kan tât, Đảng bộ N’gâng kan tâm rnglăp nchră nău hăn lor, n’gâng tơm, nsrôih, săk rnglăy tâm mbơh ƀư trong hăn tâm rnglăp, đăp mpăn, ƀư tơm yơn “âk ntil, âk trong”; lah băl bên, kan ndrel nsing nơm đah lĕ rngôch dak ta lam ntŭr neh; lah nuĭh geh lĕ đah nău kan đah nsum mpôl lam ntŭr neh, yor nău rƀŏng đăp mpăn, kan ndrel, hun hao.

Ta Đại hội, ăp đại biểu lĕ tâm nchră, mĭn trong hăn, nău rƀŏng, nău mĭn, nău kan khlay n’hanh trong mkra mhe gay ƀư tĭng nău kan nchră nău tâm nu nău mhe, ndâk njêng Đảng bộ n’hanh nău kan tâm rnglăp nchră nău nâp dăng, lĕ rngôch, mhe, blău nău way kan. Ntoh ngơi ta Đại hội, Thủ tướng Phạm Minh Chính mĭn lah: Nău tâm rgop đah 3 n’gâng tơm nchră nău Đảng, nchră nău ngih dak n’hanh nchră nău nuĭh ƀon lan dơi mbơh ƀư uĕh, tâm ban, jêng trong nchră nău lĕ rngôch, lam ƀon lan, rgop khlay ƀư jru tâm bah dak he đah ăp dak, n’hao nău ƀư tơm, jâng nsan bah neh dak; nkre n’hao ƀư tơm, nsing nơm bah Đảng he ta lam ntŭr neh.