Kêng măng (7/8), ta Ngih Chính phủ, Groi Thủ tướng Lê Thành Long lĕ wơt Đại sứ dak Anh ta Việt Nam Iain Frew, ndrel ntoh măt Đại học Southampton, ngoăy tâm 100 đại học bôk năp lam ntŭr neh n’hanh tập đoàn ntĭm nti lam ntŭr neh Navitas. Ta nar wơt Đại sứ dak Anh, Groi Thủ tướng Lê Thành Long an gĭt Việt Nam uănh khlay n’hao tâm boh kan ndrel Việt Nam-Anh, tâm nĕ kan ndrel ntĭm nti ƀư tơm khlay.

Việt Nam kơl lor wăch rgum đại học lam ntŭr neh, ndâk njêng phân hiệu, rƀŏng tât năm 2030 geh tay đêt ngăn 2 phân hiệu bah ăp ngih samƀŭt bôk năp lam ntŭr neh. Đại sứ Iain Frew lah rjăp: Ntĭm nti lah n’gâng tơm kan ndrel ăp ding, đah 12.000 sinh viên Việt Nam dôl nti ta Anh, nkre ton ntop kơl tay Việt Nam hun hao nuĭh kan uĕh blău.