Lơ 7/8, ta Ngih Chính phủ, Thủ tướng Chính phủ Phạm Minh Chính ƀư tơm rơh rƀŭn Chính phủ ăp rơh khay 7. Rƀŭn nchră dơi ƀư trực tuyến đah 34 n’gor, nkual ƀon têh mpeh tâm Trung ương. Ta rơh rƀŭn, Thủ tướng Phạm Minh Chính lah rjăp, lam dak lĕ mbơh ƀư pơk dŏng trong leo n’gâng kan ƀon lan 2 gưl; ntrŭt ntrôl hao jêng wăng sa bah 8,3% n’hanh rdâng đah nău kơl soăy mhe bah Hoa Kỳ; Dŭt n’hâm mbơh ƀư “kôp poăn n’gâng tơm” tĭng ăp Nghị quyết bah Bộ Chính trị; Nchrăp Đại hội Đảng ăp gưl, rƀŏng tât Đại hội Đảng rơh tal 14; Ƀư nkah gĭt 78 năm Nar Thương binh-Liệt sĩ n’hanh nchrăp an Đại hội ƀư nkah gĭt 80 năm Quốc khánh....

Njrăng n’gang trôk nar lơh, mât njrăng nău rêh, drăp ndơ nuĭh ƀon lan, mkra ngăch ngăn nău khuch khat trôk nar lơh. Tâm rnôk jêr jŏt, knơm nău nsrôih bah lĕ trong chính trị, nu nău wăng sa rêh jêng tĭng tay trong hăn uĕh, khay bah kơi uĕh lơn khay bah năp, kơp nsum 7 khay uĕh lơn rơh năm 2024. Yơn lah, Thủ tướng ntĭm kloh ăp jêr jŏt ntŭl rlong; nkre đă ăp n’gâng kan nău kan ƀon lan ƀư tay ăp trong mkra ƀư mhe ăp nuih n’hâm hao jêng gay geh nău rƀŏng bah 8,3-8,5% tâm năm 2025. Uănh lah nău koh n’hŭch samƀŭt hành chính, nta nơih an doanh nghiệp, nuĭh ƀon lan hun hao wăng sa ƀư êng./.