Lâm Đồng rdâng pĭch rlâm trong hăn tâm yan mih phŭt
Thứ tư, 09:25, 16/07/2025
VOV Tây Nguyên/Nuĭh rblang: Y Sưng Phê Ja

VOV.M’nông - Gay đăp mpăn trong na nao tâm yan mih phŭt năm aơ, n’gor Lâm Đồng dôl ƀư kơp uănh, nchih săk nanê̆ tĭng ntŭk geh kol trong hăn ta 8 trong quốc lộ n’hanh trong n’gor, nkre geh trong rdâng na nê̆
N’gor Lâm Đồng aƀaơ geh 180km trong têh hăn ngăch, bơi 1.400km quốc lộ n’hanh bơi 1.300km trong n’gor. Tâm ăp yan mih phŭt mhe rlău ta ăp trong quốc lộ ta n’gor Lâm Đồng, kơt: 20, 27, 28B, 55... lĕ ntoh âk ntŭk pĭch rlâm, rluh ƀư kol trong hăn.

Gay đăp mpăn trong na nao tâm yan mih phŭt năm aơ, n’gor Lâm Đồng dôl ƀư kơp uănh, nchih săk nanê̆ tĭng ntŭk geh kol trong hăn ta 8 trong quốc lộ n’hanh trong n’gor, nkre geh trong rdâng na nê̆. UBND n’gor Lâm Đồng ntĭm rđău ăp ngih pah kan dơi kan lơn lah uănh đăp mpăn ta ăp nkual pĭch rlâm, dak băm lor rnôk nglăp nsum n’gor Lâm Đồng, Dak Nông, Bình Thuân. Geh tât nău pĭch rlâm quốc lộ 14 ta Gia Nghĩa, n’gor đă rnôk mih phŭt an tâm pă nuĭh kâp măng/nar, nchrăp ndeh măy mŏk ngăch mkra nău mâp.
Viết bình luận