Nglôch lôch rơh pah kan, Kruanh dak Lương Cường kơp dơn uanh năl, rnê âk nău dơn kan, nău leo kan, mĭn kan bâh n’gor Ủy Quảng Ninh tâm nău leo ƀư mĭn uănh, mât uănh, ƀư na nê̆, mbơh tơih ƀư tĭng Nghị quyết Trung ương 11, njêng nău tâm ban, dơn ngoăy âk tâm mpôl cán bộ, đảng viên n’hanh ăp nuĭh ƀon lan. Nkre lah ăp nău mpŏng mpeh hun hao wăng sa, rêh jêng geh mât ta rnoh âk, nău rnă njrăng chính trị, mât đăp mpăn nău rêh jêng lĕ geh mât đăp mpăn ueh lăng. Kruanh dak knơm an lah, đah nău mĭn rgâl mhe, mĭn kan, dăng kan n’hanh nsrôih mpeh chính trị âk,  Đảng bộ, n’gâng kan, tahen n’hanh ƀon lan n’gor Quảng Ninh mbra geh n’hao tay ăp nău dơi têh dăng lĕ dơi geh, ƀư geh âk nău dơi mpeh Nghị quyết rơh rƀŭn nchră trung ương 11 khóa 13, rdâk njêng văn kiện n’hanh nuĭh kan an Đại hội Đảng bộ  n’gor an geh ntoh lư, nău ueh, ntop khlăy ta nău dơi bâh Đại hội Đảng lam dak tal 14.