Nglôch lôch rơh rƀŭn nchră, Tổng Bí thư Tô Lâm rnê âk nău nchrăp ueh na nê̆ bâh ntŭk kan way kan n’hanh nău tâm rgop ntoh ngơi le geh dơn ngoăy đah nău nchrăp ƀư bôk nău pah kan bâh rnâng kan  ntĭm leo đah ăp trong kan, nkô̆ mpŏng kan nê̆ bâh aƀaơ tât dŭt năm, nkah na nê̆ mbra dơi ntop ăp nău kan ntoh luh tâm nău ngăn. Tổng Bí thư lah na nê̆ 4 nău mĭn khlăy tơm , an lor gay ma doh rklaih ăp nău ndal, nsrôih tât lĕ năm aơ geh ƀư lôch doh rklaih ăp nău kŏ văk mpeh nău ntrong kan n’hanh pháp luật, bâh nĕ rgum lĕ ăp rnoh nuĭh kan tâm ntrong hun hao neh dak. Tổng Bí thư Tô Lâm đă, an geh ƀư lôch tay trong kan săm ƀŭt nchih pháp luật, ngăch ndăn uănh nđôi ntrŭnh ăp Nghị định, Thông tư geh tât gay ma mbơh ƀư, ngăn lah an geh ƀư tĭng răng dăng nău pă an, pă nău dơi, pă nău kan n’hanh mbơh ƀư tĭng di nău min ntĭm leo bâh n’gâng kan Chính trị.