Kêng măng aơ 23-6, ta Nam Định, Tổng Bí thư Tô Lâm n’hanh Mpôl pah kan bah Trung ương pah kan đah Ban Thường vụ Tỉnh uỷ ăp n’gor Nam Định, Hà Nam, Ninh Bình mpeh lôch  jêh an tĭng ƀư ăp nghị quyết, n’glôch jêh bah Trung ương n’hanh du đêt nău dơn kan rgum tơm mpeh hun hao wăng sa- rêh jêng kon nuĭh, đăp mpăn njrăng n’gang neh dak, rnă njrăng ta 3 n’gor. Tổng Bí thư Tô Lâm lah rjăp, Nam Định – Hà Nam – Ninh Bình lah pe nkual neh ndjôt tâm săk he pe săk ntơr êng, yơn ndrel rgum ăp rnoh khlay văn hóa – lịch sử – kon nuĭh jru hvi n’hanh tâm ban.

Tổng Bí thư hŏ rblang 6 ndơ jêng nău tâm di n’hanh mô dơi uănh lhơ gay Trung ương tâm ban ŭch n’glêh an nău njêng dơn ngoăy pe n’gor, mbra njêng luh soih lhoi têh gay rdâk njêng n’gâng kan tâm dâng têh uĕh mhe, mât dŏng tĭng nău way rgum nsum- ngăch ngăr – nsĭt geh nău dơi. Gay an ƀư geh nău tam ăp săk geh, dơh uĕh n’hanh nău tâm ntop nsum đah 3 nkual bah n’gor Ninh Bình mhe, Tổng Bí thư dăn đă,  ndăn ƀư wat jêh nău dăp rgum nuĭh kan tĭng trong  leo ƀư n’gâng kan 2 gưl tĭng di nuih n’hâm Nghị quyết 60 n’hanh n’glôch jêh 150 bah Bộ Chính trị. Ân ƀư du trong khoa học, lhăt jăp, đăp mpăn tâm rep mbro bah nău kan, der tâm ƀư rkhul tâm nău rêh ƀon  lan n’hanh nău kan ƀư njêng tăch rgâl./.