Kêng măng 23/6, Rnâng kan rđau kan kan rgum nsum n’gor Lâm Đồng, Bình Thuận ndrel n’gor Dak Nông hŏ ƀư nau leo rlong dŏng 6 rmôt kan hành chính gưl xã mhe. Dĭng lĕ nau rlong ƀư dŏng geh uănh mât rjăp, ntoh nau sŏng tât ăp ntŭk tơm rklaih kan gay Rnâng kan n’gor uỷ Lâm Đồng, Bình Thuận ndrel Dak Nông uănh. Bah nau bư rlong leo lăp dŏng hŏ tŏng dơi geh nau đă ŭch.

Wa Y’ Thanh Hà Niê Kdăm, Bí thư n’gor uỷ Lâm Đồng lah rjăp, nau kan bah ăp rmôt kan hành chính gưl xã leo rlong ƀư nau kan mô êng lah ‘nhoat mhe mpeh nau kan” gay ƀư ân mơng ma nau kan mhe, ma hôm lah rnôk ngăn gay ăp ntŭk kan, rmôt kan, n’gor nchrăp ƀư ân jêh nau kan, ntrong kan. Aơ lah “nau rlong ƀư kan” ngăn mpeh nau dăng bah nau rđau kan, tâm rgop nsum ma ăp jrâu kan, rnâng kan, rđau kan gưl xã mhe. Ăp nau kol, nau ê dơi ân geh rklaih ndal lor ma dĭng lĕ 124 xã, phường ntŭk kan ngăn ntơm geh leo lăp kan ngăn.

Kêng măng 23/6, phường Nam Gia Nghĩa (nkual ƀon têh Gia Nghĩa, Dak Nông) hŏ ntơm rlong lăp dŏng ngăn. Ăp siƀŭt geh tât neh ntu, tư pháp, hộ tịch... hŏ dơi dơn n’hanh nkra ăp tŏng an nuĭh ƀon lan, an saơ nău nchrăp n’hanh nău nsrôih bah nhih pah kan mhe. Phường Nam Gia Nghĩa dơi njêng nsing ta nău n’glăp phường Nghĩa Phú, Nghĩa Tân n’hanh xã Đắk R’Roan (Nkual ƀon têh Gia Nghĩa, Đắk Nông).

Trong leo ƀư phường mhe geh ăp jrô kan: Văn phòng, Jrô kan wăng sa – Hạ tầng đô thị, Jrô kan Văn hóa – Xã hội n’hanh Trung tâm Hành chính công, ndrel ăp n’gâng kan bah ăp ntŭk n’glăp nsum. Lĕ rngôch biên chế nklăp 120 nuĭh. Tâm nar rlong lăp kan, lĕ rngôch ăp hồ sơ bah nuĭh ƀon lan n’hanh doanh nghiệp hŏ dơi nkra ƀư soih aih./.