Kêng măng 4/6, ta Nhih pah kan kruanh dak, Groi Kruanh dak Võ Thị Ánh Xuân mâp măt mpôl đại biểu 100 nuĭh yur êng mham ntoh lư lam dak năm 2025. Lah ta rơh mâp măt, Groi kruanh dak Võ Thị Ánh Xuân an gĭt aơ lah ăp nuĭh ntoh lư ngăn, nuĭh uĕh, kan uĕh, ăp nuĭh ntĭt leo lor tâm nău nsum suan rdâk njêng nău rêh tâm rŏng kon nuĭh, nuih n’hâm âk nău uĕh lŏng, ăp nuĭh ngăn ma têh khlay.

Groi kruanh dak ŭch rŏng ăp nuĭh ntơh măt ndrel hang rkeh nuĭh yur êng mham lam dak ntik n’hao tay nuih n’hâm rŏng nuĭh, nău way ơm uĕh lăng bah rnoi nuĭh, tâm pă ăp ntruh mham bah he yor an nsum mpôl, lam rêh jêng kon nuĭh; nkre lah ăp găr ntil n’gâng tơm ta ntŭk, đơn vị he, rêng lam trong leo, rgŏ jă tay âk nuĭh, rnăk wâl, băl mpôl ndrel râng yur êng mham, rgop ngăn ngăn an n’gâng kan mât chăm n’hanh mât njrăng n’hâm suan nuĭh ƀon lan.