Ngoai tâm âk nau kan ndal mpeh nau mbrơi trok prăk khám săm si Bảo hiểm y tế rlet rlau nau nchrăp. Wa Nguyễn Đăng Giáp, Giám đốc Ngih dak si Đa khoa nkuăl Tây Nguyên mbơh, ngih dak si hŏ rlet rlau nau nchrăp rlau 54 rmen prăk, yơn tât nrôk aơ ê geh trok tâm, lơh jêng âk nau jêr. Wa đă ân geh rgâl nau kan mô lah ân manh lor. Êng nê, âk nau đă ntoh nau mpeh nau rgum ăp xã, nkuăl kŏ khuch tât nau kan bah trong kan dak si, ngăn lah ngih dak si nkuăl jru, ngai. Cử tri đă ân geh nau kan ndrel ntrong ƀư tâm di ma ăp nkuăl. Ăp nau đă kŏ nkoch nau jêr tâm nau rvăt âk dak si, mô tŏng nau dăng pháp lý, nau kơl an mô âk ndrel nau nkoch mbơh dak si ƀư tih âk. Rmôt kan ntoh măt Quốc hội n’gor ton mra rgum nau, đă tât ăp n’gâng kan, ntŭk kan tâm rơh rƀŭn Quốc hội êp tât./.