Tĭng nê, ntơm bah nar 15/4 tât 15/5, ăp mpôl hăn ôp uănh mbra ƀư hăn ôp uănh pah kan mât đăp mpăn srăch uĕh ndơ sa ta 9 nkuâl ta n’gor. Nău kan hăn ôp uănh gay n’hao nău dơn kan mât bôk kan ngih dak mpeh  đăp mpăn srăch uĕh ndơ sa, ngăch ban saơ, nking nchăng n’hanh rmal ăp nău tih tâm ƀư njêng, tăch rgâl ndơ sa; nkre uănh  năl nău an ƀư Khay kan ta ăp nkuâl, ăp n’gâng kan, nhih pah kan. Ma rơh hăn ôp uănh, ăp nhih pah kan dơi kan mbra ra uănh tay, rgâl di ăp nău khoah tâm pah kan mât bôk kan, dăn đă trong nkra n’hao nău tam pah kan mât đăp mpăn srăch uĕh ndơ sa ta n’gor.