Ntoh măt rmôt kan Quốc hội n’gor Lâm Đồng, wa Phan Đình Trạc rnê prêh nau rgop đă sŏng, geh nau tâm di bah cử tri. Nkre lah, kơp dơn ăp nau đă bah cử tri nkah đă n’gâng kan rklaih ăp nkô̆ nau geh tât nau dơi. Đah nau tâm rnglăp n’gor, tâm rnglăp xã, wa Phan Đình Trạc lah rjăp nau ntrŭnh aơ mô knŭng ƀư rtŭt gleh nau kan Ngih dak, pah kan săk tam ma hôm pơk trong, nau nsôih mhe gay ntrŭt dăng hun hao neh dak. Rnôk aơ, wa Phan Đình Trạc ntoh măt bah rmôt kan Quốc hội n’gor Lâm Đồng hŏ pă 10 nklâm ndơ ân ăp rnăk dơi kơl tâm xã Bình Thạnh, nkuăl Đức Trọng./.