Rơh kahgĭt 50 năm nar rklaih đăp mpăn miền Nam, dơn ngoăy neh dak geh 48 mpôl tahen, đah klâp ma 13 rbăn nuĭh tât râng hăn nsong, nsong tahen. Tahen Trung Quốc, Lào n’hanh Campuchia ndrel tât râng hăn nsong ta rơh aơ đŏng..

Ƀư nkah gĭt ƀư ta nkual nklang Quận 1, ntŭk nkơp ndrơng khlay an ta mpeh bah năp Ngih rƀŭn Thống Nhất. Mpôl diễu binh ntơm hăn ta trong Lê Duẩn-Nguyễn Bỉnh Khiêm hăn tât Ngih rƀŭn Thống Nhất jêh nĕ rlău âk trong bah Quận 1 (nkual ƀon têh Hồ Chí Minh) gay nuĭh ƀon lan uănh. Tâm gưl ƀư lễ mbra geh nkô̆ nău pănh 21 tong đại bác đah nău nteh nhạc Quốc ca Việt Nam. Quân chủng Phòng không-Không quân rgŏ jă âk ndeh păr khung Mi-8, Mi-17, ndeh păr tâm lơh Yak-130 n’hanh tiêm kích Su-30MK2 mpăr.

Ta ntŭk nău hăn nsong, nsong tahen, ăp mpôl hăn ntơm bâh mpeh trong Lê Duẩn -Nguyễn Bình Khiêm, hăn let ntŭk tơm ta năp Hội trường Thống nhất. Lôch nĕ, ăp mpôl hăn pă jêng 4 trong, hăn let âk nkuăl ƀon têh. Nău hăn tĭng 4 trong mbra kơl an âk ƀon lan dơi geh uănh sŏng dăng nău hăn nsong tahen, hăn nsong bâh ƀon lan. Nkre lah nkuăl ƀon têh Hồ Chí Minh lĕ ntrŭp 20 rup têh ta ăp ntŭk dơh uănh tra âk trong ƀon têh gay ma dơh ƀon lan uănh.