Ta nkual ƀon têh Kon Tum, N’gâng kan ntĭm nti n’gor Quảng Ngãi lĕ geh nar pah kan đah N’gâng kan ntĭm nti Kon Tum gay tâm nchră mpeh ăp nkô̆ nău geh tât Bôk nău rgop an tâm nchrăng nglăp nsum 2 n’gâng kan. Tĭng nău nchrăp, jêh rnôk nglăp nsum, nău kan ntĭm nti n’gor Kon Tum mhe mbra mât uănh rlău 925 ntŭk ntĭm nti, bơi 456.000 kon hŏk n’hanh rlău 31.400 cán bộ, nai, nuĭh kan.

Mpeh ƀư n’gâng kan, 2 ding tâm ban ŭch trong ƀư tâm pă 8 jrô way kan mpeh tâm n’gâng kan, đah cán bộ bah lĕ 2 n’gor ndrel pah kan gay đăp mpăn pơk dŏng ƀĭt joet uĕh, tâm di nău ngăn n’hanh văn hóa tĭng ntŭk. Nău kan ntĭm nti n’gor Quảng Ngãi dôl tâm ôp tâm nchră pă ntŭk gŭ an cán bộ Kon Tum jŭr pah kan, nkre nchrăp trong wơt dơn rlău 530 kon hŏk Kon Tum tĭng rnăk wâl sĭt nti ta Quảng Ngãi bah năm 2025-2026.