
Di râng rƀŭn gưl prêh tal 3 bah Liên hợp quốc mpeh Đại dương ta Pháp, Thủ tướng Chính phủ Phạm Minh Chính hŏ mâp wa Rodrigo Chaves, Tổng thống Costa Rica. Tâm rnôk mâp, Thủ tướng Chính phủ Phạm Minh Chính lah rjăp, Việt Nam uănh khlay nau tâm boh âk ding ma Costa Rica. Thủ tướng Phạm Minh Chính đă bar dak lŏ n’hao nau tâm rnơm Chính trị bah nau tâm nchră rmôt kan ăp gưl, ngăn lah gưl prêh, tâm nchră chính trị, pơk hvi tâm boh văng sa.

Ntrŭt dăng tăch rgâl bar ding, ntŭk kan geh tât bah 2 ding gay joi ăp trong hăn mhe, ăp nau kan gay ntrŭt dăng tâm boh tăch rgâl, ntuh kơl bar ding tâm nau dơi geh dăng ndrel nau ŭch bah 2 ding. Rnê prêh ăp nau tâm boh đah Việt Nam ndrel Costa Rica tâm ăp nau kan, kơt: tuch tăm, pâl n’aih, nkra ndơ dŏng, công nghiệp phần mềm, ntrơn rgâl mrô, bar rđau kan tâm ban nau n’hao tâm boh tâm ăp nau kan aơ./.
Viết bình luận