Ta rơh rƀŭn nchră, n’gor Ủy Lâm Đồng lĕ geh mbơh n’hanh pă ăp nău ntrŭnh săch an kan gâl kruanh, groi kruanh an ăp ntŭk kan mbơh nău, nuĭh kơl kan bâh n’gor Ủy n’hanh ăp Đảng ủy mât kan. Ntoh ngơi pă jao nău kan, wa Y Thanh Hà Niê Kdăm, Ủy viên Trung ương Đảng, Bí thư n’gor ủy Lâm Đồng lah na nê̆ nău hăn lor bâh bôk năp bâh ăp cán bộ tâm nău njêng du ntŭk kan tâm rnglăp, geh nău way kan nhanh nău mĭn rgâl mhe, knơm ta nău kan mhe mbra n’hao nău dơi leo kan, ndŏ Lâm Đồng hun hao an nâp nâl. Nău mĭn nănh mĭn, nănh kan, gĭt tâm ryơk nău êng n’hanh ntrôl an dơn ngoăy bâh tâm trong mbra lah nău kan lor dŭt khlăy ta trong rdâk njêng n’gâng kan ueh kloh, nău kan yor an ƀon lan.