Mât uĕh săk rnglăy ăp bôk nău kan rƀŏng tĭng Lam dak ta n’har bri Lâm Đồng
Thứ sáu, 14:50, 04/07/2025 VOV Tây Nguyên/Nuĭh rblang: Y Sưng Phê Ja VOV Tây Nguyên/Nuĭh rblang: Y Sưng Phê Ja
VOV.M’nông - Ăp bôk nău kan gưl neh dak mpeh n’hŭch ach o, hun hao wăng sa rêh jêng kon nuĭh nkual rnoi mpôl đê̆ n’hanh yôk yang, rdâk njêng ƀon lan mhe dôl ntik n’hao nău dơi ngăn ngăn ta nkual n’har bri n’gor Lâm Đồng (Dak Nông ntơm nơh). Đah nău ntuh kơl geh rgum tơm hŏ kơl âk ƀon lan, âk xã nkual jru, nkual ngai, nkual rnoi mpôl đê̆ nsan hao dăng.

 Ƀĭt ndeh măy kai nkreng nkreng ta trong hăn tuh chai, rdêng rlău 2.000 tơm cà phê n’hanh 300 tơm mắc ca ntil bah mir yơng ntil sĭt gay rgâl rnoh neh mir điều mô săk play, wa Điểu Đi, Ƀon Bu Păng 2, xă n’har bri Quảng Trực, n’gor Lâm Đồng dŭt rhơn. Knơm nău ntuh kơl bah ngih dak ma trong hăn soih aih, tâm rgâl dŭt dơh. Ăp ndơ ƀư ntung trong mbrơi lôch jêh, ăp nău nchrăp ƀư ntop kơl joi nău rêh dơi ƀư, rnăk wâl wa Điểu Đi n’hanh kônh wa tâm xă tĭng nĕ ma hao sâm geh.

Lah uĕh Đảng, lah uĕh Ngih dak lĕ kơl kônh wa geh piăng sa, geh ao nsoh hât su n’hanh ndâk ƀư ngih wâl. Nău rêh lĕ đăp mpăn dŭtuĕh, aƀaơ mĭn ƀư saơ hun hao nău rêh, kônh wa ƀư tĭng nău ntrŭnh bah Đảng n’hanh ngih dak dơm.

Wa Nguyễn Văn Anh, Kruanh UBND xă Quảng Trực, an gĭt, tâm rgop mbơh ƀư ăp bôk nău kan, nău nchrăp ƀư, ƀon lan lĕ rgum ntĭm kônh wa rgâl ntil tơm tăm, mpa rong tâm di đah nău geh neh ntu, trôk nar. Bah tơm prăk ntuh kơl bah Ngih dak, đah ăp trong ƀư tâm di ndrel nău nsrôih hao bah nuĭh ƀon lan n’har bri lĕ n’hŭch ngăch rnoh rnăk ach o.

Xă mât uănh jru hvi tay Nghị quyết đại hội Đảng ăp gưl, tĭng nkô̆ nău nĕ mbơh ƀư rĭng ăp bôk nău kan, trong nchrăp, nău nchrăp ƀư ntuh kơl n’hanh nkoch trêng tay, rgŏ jă nuĭh ƀon lan dŭt n’hâm pah kan jan sa, jŭt jăng ji ngot, ach o. Nsrôih ndâk njêng ƀon lan hun hao, rklaih luh ach o tâm năm 2025.

Mpeh lôch dơi tâm rlău 20 năm ndâk njêng n’gor Dak Nông (ơm), wa K’Khét Atô, tă ƀư kruanh N’gâng kan Rnoi nuĭh n’hanh nchroh rƀŭn an gĭt, lvang bah 2004 tât 6/20265, Dak Nông dơi Trung ương ntuh kơl nklăp 2.800 rmen prăk an 3 bôk nău kan rƀŏng tĭng lam dak. Ndrel đah rnoh prăk manh rlău 820 rmen prăk, ăp tơm prăk ntuh kơl dơi ndơ̆ tât nuĭh, di trong, lĕ kơl trong kan n’hŭch ach o geh săk rnglăy âk.

Dơi nău uănh kơl bah Đảng, Ngih dak n’hanh Quốc hội lĕ ndơ̆ an trong mkra mbơh ƀư 3 bôk nău kan rƀŏng tĭng lam dak tâm nkual ƀon lan rnoi mpôl đêt, nkual yôk. Ƀon lan rnoi mpôl đêt lĕ dŭt n’hâm tâm rlong pah kan jan sa, nkra njêng, ntrôl rŭch ăp jêr jot, ji ngot ach o, gay ƀon lan rlaih luh nău n’gor ach o.

Lvang năm 2021 tât aƀaơ, du năm nkual n’har bri n’gor Lâm Đông (Dak Nông bah năp đaơ) hŭch rlău 3% rnăk ach o n’hanh tât năm 2025, rnoh rnăk ach o knŭng hôm rlău 3%. Nău na nao leo bôk năp nkual Tây Nguyên n’hanh gŭ tâm rmôt bôk năp bah năp dak mpeh n’hŭch ach o, lĕ an saơ nău nsrôih ndrel đah ăp trong ƀư săk rnglăy bah n’gor tâm mbơh ƀư ăp bôk nău kan rƀŏng tĭng lam dak, hun hao nâp nâl nkual rnoi mpôl đêt n’hanh nkual yôk.

 

 

 

VOV Tây Nguyên/Nuĭh rblang: Y Sưng Phê Ja

Viết bình luận

TIN CÙNG CHUYÊN MỤC