
Kêng măng ntri (2/7), HĐND n’gor Dak Lak hŏ ƀư rơh hop bôk năp HĐND n’gor khóa X, năm kan 2021-2026, lôch rnôk ƀư n’glăp nsum n’gor. Ta rơh hop, HĐND n’gor Dak Lak hŏ mbơh n’glêh an bah Ủy ban Thường vụ Quốc hội mpeh nău nchŏng đă nuĭh ƀư ăp kruanh n’gâng tơm.

Wa Cao Thị Hoà An, Groi Bí thư Rnâng kan Tỉnh ủy, dơi nchŏng đă ƀư Kruanh HĐND n’gor Dak Lak năm kan 2021-2026; wa Trần Phú Hùng, Ủy viên Ban Thường vụ Tỉnh ủy n’hanh wa Đỗ Thái Phong, Tỉnh ủy viên, dơi nchŏng đă ƀư Groi kruanh HĐND n’gor; wa Phạm Thị Phương Hoa ƀư Kruanh Ban Pháp chế; wa Phan Thị Hà Phước ƀư Kruanh Ban Kinh tế - Ngân sách; wa Lê Văn Cường ƀư Kruanh Ban Văn hóa - Xã hội; wa Đỗ Thị Như Tình ƀư Kruanh Ban Dân tộc. Lah ta rơh hop, wa Cao Thị Hoà An, Kruanh HĐND n’gor Dak Lak lah rjăp, đah rnoh hvi neh rlău 18.000 km², rnoh nuĭh rlău 3,34 rkeh nuĭh, Dak Lak jêng ngoăy tâm pe n’gor dŭt têh lam dak, du n’gor geh ăp tŏng ndơ gay hun hao lam lĕ rngôch ăp trong kan lah rnôk gay njêng suan ntrôl mhe, ntŭk hun hao mhe an n’gor Dak Lak tâm rơh hun hao tay.
Viết bình luận