Lôch rlău 1 pơh hăn leo kan pă dăp, nău kan doh rklaih ƀư ăp săm ƀŭt hành chính bâh ăp xã, phường ta n’gor Lâm Đồng lĕ pah kan ueh aih, geh tâm di ueh đah nău ŭch kơl an ƀon lan. Ndrel đah 16 ntŭk kan, n’gâng kan, ăp gâl kan n’gor, lĕ n’gâng kan geh 124 xã, phường, đặc khu bâh n’gor Lâm Đồng lĕ geh an ƀư tâm ban lĕ trong kan doh rklaih ueh nău kan hành chính, dŏng âk nău kan mât uănh săm ƀŭt kan mhe, an tâm di ueh đah nău ŭch dơn n’hanh ƀư săm ƀŭt kơl an ƀon lan. Tĭng nău mbơh Sở nội vụ n’gor Lâm Đồng, kơp bâh lơ 1/7, ăp nar geh rlău 1 rbăn săm ƀŭt rhŏ ndŏ dŏng dăng n’hanh trực tuyến ta ăp ntŭk kan, n’gâng kan gay ma kâp doh rklaih nău kan. Lâm Đồng lĕ geh uănh năl lah ngoăy tâm tốp 5 ntŭk kan leo bôk năp ta lam dak tâm nău dơn, doh rklaih ueh nău kan hành chính tâm ăp nar bôk năp pah kan bâh n’gâng kan 2 gưl.