Thủ tướng Phạm Minh Chính n’hanh I ur ndrel mpôl đại biểu gưl prêh Việt Nam lôch uĕh ăp nău ƀư râng Rƀŭn nchră gưl prêh BRICS pơk hvi năm 2025 n’hanh nău ƀư ăp ding ta Cộng hòa Liên bang Brazil. Đah bơi 40 nău kan na nao, âk tâm 3 nar, rơh pah kan bah Thủ tướng Phạm Minh Chính n’hanh mpôl đại biểu gưl prêh Việt Nam lĕ n’glơi an nău uĕh n’hanh rgop khlay tâm lôch uĕh nsum bah Rƀŭn nchră gưl prêh BRICS pơk hvi.

Thủ tướng lĕ ndrel 35 nuĭh kruanh n’hanh ntoh măt ăp dak geh ăp rơh tâm nchră jru hvi n’hanh ngăn ngên mpeh hao jêng n’hanh chủ nghĩa âk ding, ăp nău wăng sa, prăk kaih n’hanh nău mĭn njêng; mpeh ntŭk ntô gŭ âm n’hanh dak si lam ntŭr neh... Ăp tâm nchră dơi geh ta Rƀŭn nchră mbra ntrôl kan ndrel săk rnglăy, rgop mkra ăp ntŭl rlong hun hao nâp nâl bah ăp jâng wăng sa mhe. Tâm nar gŭ Brazil, Thủ tướng Phạm Minh Chính lĕ geh ăp rơh rgum nchră, mâp đah âk nuĭh kruanh, nuĭh djôt bôk chính phủ, kruanh ăp dak kơt nuĭh kan  ndrel, doanh nghiệp..., rgop n’hao săk rnglăy kan ndrel wăng sa, tăch rgâl, nsĭt tay nău geh ngăn ngên an nuĭh ƀon lan n’hanh doanh nghiệp./.